Прываражы мяне, вядзьмак.
Хачу адчуць я магію кахання,
Калі на вуснах іншых вуснаў смак
І млееш ад надзеі на спатканне.
Наваражы дачку, траіх сыноў,
Вялікі дом ля соннай, тонкай рэчкі,
За домам - сад, дзе ў зелені кустоў
На гронках ззяюць чырванню парэчкі.
Зрабі, вядзьмак, сваю ілюзію жывой,
Каб не было расчаравання,
І з радасцю пайду я за табой
І ў пір, і ў мір, і нават на закланне.
Прываражы мяне, вядзьмак
© Copyright: Ивета Витко, 2024
Свидетельство о публикации №124020401318
Свидетельство о публикации №124020401318
Рецензии