Багъ ава заз виш жуьредин тар авай,
Ични чуьхвер, кIерец шуьмягъ, нар авай.
Машмаш тарар,шефтеларни пIинияр,
Жугъундихъни чумаларни инияр.
Чинардин тар, къаравул я Керем хьиз,
Эсли свас хьиз ава пIинид къелемни.
Мадни ава са тар – пишкеш бубадин,
Таза къелем, къе хьанва ам зурбади.
Ухшар хьанва агакьнавай жегьилдиз,
Килигзава чумал адаз пехилдиз.
Михьи рикIел кIвал кутазвай баладиз
Гайи къелем, зун гелкъвезва аладиз.
За квез лугьун, бегьердизни заха я,
Бубад савкьват – инжилдин тар багьа я.
Инжилдин тар
© Copyright: Тамила Хуршидова Салманова, 2024
Свидетельство о публикации №124013107497
Свидетельство о публикации №124013107497
Рецензии