Дуьньядин гъамар-дердер туп1алайиз,
Зайиф жезва къвердавай шаирдин рик1,
Хайи ерияр мадни капалайиз,
Усал акваз ватан эхи жезвач ик1.
К1ват1 тийиз бегьерар, баят хьанвай багъ,
Шумуд йисуз цанач, таму кьур ник1ер.
Хеб-к1ел, малар кьери хьана акваз дагъ,
Накъварив ац1узва шаирдин вилер.
Чилин вил ала иес жеда лугьуз,
Кесиб халкьдин акакьзавач т1ем, къуват,
Гьеле уях туш яргъа авай "мирес",
Гьар са къарабасдиз вегьедай манат.
Шаирдин рик1 зурба я, руьгьни дерин,
Ватандин гьар са т1ал гьахьзава хуруз,
Пакадин дердияр къе ийиз секин,
Халкьдин ниятарни ачухдиз къалуз.
Вири гьиссерин рик1 хьанат1а панагь,
Муьгьуьббатни са т1ал я тежер къерех,
И гьиссдини вич амайди чириз гагь,
Рик1 къарсуриз, къалурда вичин тереф.
31.01.2024.
Шаирдин рик1
© Copyright: Нажмудин Шихнабиев 2, 2024
Свидетельство о публикации №124013107156
Свидетельство о публикации №124013107156
Рецензии