Са девирда тир гуьлуьшан,
Лацу лиф тир ислягь лишан,
Амачиз къал, секин тир чил,
Сад масадал тушир пехил.
Халкьдин девлет ийиз тараш,
Уьлкведин кьил хьана угъраш,
Маса гана эдебни ягь,
Душмандикай хьана пачагь.
Чук1урна са йифиз уьлкве,
Къал туна ватандин къене.
Доллар хьана ягьдин уьлчме,
Халкьар туна базард рекье.
Накьан арха хьана душман,
Дяведин пар акур залан,
Илит1на мад чи халкьарал,
Ясдин партал чи дагъларал.
Зайиф къуш вун ят1ани , лиф,
Къе гьар садан к1вализ илиф,
Рик1ера тур ислягь хиял,
Душмандин мез жедайвал лал.
Ислягьвилин чан лацу лиф,
Лув це, талгьуз я югъ, я йиф,
Азад хьурай чи уьлквеяр,
Мад такурай чаз дявеяр.
29.01.2024.
Лацу лиф
© Copyright: Нажмудин Шихнабиев 2, 2024
Свидетельство о публикации №124012900888
Свидетельство о публикации №124012900888
Рецензии