Лайн г1урах когаш а 1уьйра,
Реза ву некъ бан хьо йолча.
Бохуш ахь дийцина туьйра,
Дехаш ду со хиттош холча.
Дагара даьлла дац иза,
Вайшинан некъаш къастарах.
Сатийсам хилла-кха мерза,
Безамо Дог цахьаьстарах.
Къастаран къахьонца безам,
Д1атийна тешам цалехьош.
Делахь а мерза сатийсам,
Бехаш бу туьйрано 1ехош.
***
© Copyright: Зарина Шаухалова, 2024
Свидетельство о публикации №124012902132
Свидетельство о публикации №124012902132
Рецензии