Чи ватандин ч|ехи шаир Сулейман
Ви гьар са гаф, гьар са халкьдиз я дарман.
Марфадикай хкатай тек ст|ал хьиз
Авайдия вахъ, ч|ехи гьуьрмет, дин-иман.
Ц|арар-ц|арар кхьей ч|алар, къелемдал
Ваз аян тир, дуьньяд крар эвелдай
К|ел авурлай вин ктабар аваздал
Артух жеда,инсандин руьгь Сулейман
Илимдин дагъ лап кьакьантир даях я
Дерин гьуьлер, Ви илагьамдин булах я
Т|ебиятди вун чаз гайи дамах я
Аллагьди хуш пай гана ваз Сулейман.
Чан алай хьиз, ви гуьмбет чаз аквазва
Ваз тамашиз, шаир рик1яй рахазва
Лезги халкьдин шериатдин пайдахдай
Сулейманан ачух суьрэт аквазва.
Ашукь Шемшир ви илгьамдин чешнедал
Экьеч|да зун, мани лугьуз сегьнедал
Ачух хьана физва рахаз, дегьнедал
Хуш авазар рик|ел хкиз Сулейман!
Ст1ал Сулейман
© Copyright: Шемшир Магамедов, 2024
Свидетельство о публикации №124012206912
Свидетельство о публикации №124012206912
Рецензии