Рик1 хуьх назик тир,чуьруькриз дурумдач,
Къал-макъалдин юкьва турла,гугрумдач.
Агаж жез хъуткъунда туртур хьиз гъута,
Гьалчмир залан гафар, гьар сад са к1ута.
Хъелни ажугъ агудмир гьич куь рик1ив,
Малаикар агатдач мад куь кьилив.
Ашкъи, гьевес гьатуй гьар садан рик1е,
Пехилвилин ем тахьуй ам куь къене.
Рик1 хуьх, муьгьуьббатдин муг хьуй хуруда,
Сир ачухмир, инсанарни ч1уруда,
Рик1е тура к1анивилин шад гьиссер,
Чук1ура къе ви манидин дад-сесер.
Назик рик1 хуьх нефсиникай чарадан,
Ацукь тавуй вил хатадай гьарамдан,
Рик1 сад я авай, хуьх вилин нине хьиз,
Ви уьмуьрдин инсанвилин бине хьиз.
17.01.2024.
Рик1 хуьх!
© Copyright: Нажмудин Шихнабиев 2, 2024
Свидетельство о публикации №124011706838
Свидетельство о публикации №124011706838
Рецензии