***
Мени сюйген, сюймей тургъан да бар,
Махтау излемегенме кесиме.
Билген айтыр: «Анда жюрек тар
Тюйюл эди», - деп, келсем эсине.
Сатар кибик тюйюлме кишини,
Кертиликге жашайма таяна.
Билгенимлей этеме ишими,
Аллахыма жюрек бла ышана.
Аман ниетлиге да жокъ дертим,
Къууанч эте, жашап турсун жерде.
Аман айтхан тюйюлдю адетим
Алай а адетле кетип элде…
Къартла къайда, этерча насийхат?
Заман да ол заман тюйюл, къара.
Тенгим а тор атымды, ма ол ат!
Элтир кенгнге… узакълагъа, таугъа.
Мени сюйген, сюймей тургъан да бар...
© Copyright: Исмаил Бейтуганов, 2024
Свидетельство о публикации №124011607495
Свидетельство о публикации №124011607495
Рецензии