Хабар кьурт1а зи гьалдикай танишри,
Амач лагь рик1,виликан руьгь хура зи,
Чан алачир к1арабар,хам иблисри,
Ц1ай галачиз кабабна хьи фура зи.
Яргъара заз яр авайд тир жув к1ани,
Амни завай къакъатна хьи себебсуз,
Ни акъудна яраб ам рекьяй къени,
Чарадав хьиз рахазва ам чарасуз.
Квез я уьмуьр герек тушир садазни,
Къаст авурт1а чандиз жуван айибда,
Шад жеда жув так1ан тир са- вадазни,
Кьисметди яр чара касдиз несибда.
Хабар кьамир садани зи рик1икай,
Рик1 амачир, чан алай са мейит я.
Дад амач я вацракай, я ракъинкай,
Зун хьтин шумуд дуьньядай фейид я.
02.01.20124.
Хабар кьурт1а...
© Copyright: Нажмудин Шихнабиев 2, 2024
Свидетельство о публикации №124010205071
Свидетельство о публикации №124010205071
Рецензии