Гьинва зи бахт, агъур хьайи чилериз?
Зазни адахъ са к1ус кьванни вил галай.
Зун дагъларай физва гьарай-эвериз,
Захъни эвел гележегдин гъил галай.
Са ч1авузни, агъур парар к1улавай,
Вегьей туш за садални гъам-хифетар.
Яраб вучиз, къацу багъдин кьулавай
Зав ийизвач муьгьуьбатди суьгьбетар.
Ширин шагьвар, элкъвез-элкъвез суварал,
Гуьруьшмишиз, бубуйри рик1 шадзава.
Ашкъидикай, хкаж хьайла цаварал,
Кьисметди заз вучиз ик1 мидадзава.
Лугьузва за - са мурадни эвел я:
Аял вахтар акъатнач зи хиялдай.
Милаим са хъуьруьнихъ зун ц1игел я:
Вил акъатиз, а куьчедиз за ялдай.
Гьинва зи бахт 53а
© Copyright: Магомед Мирзоев Мирзой, 2024
Свидетельство о публикации №124010105272
Свидетельство о публикации №124010105272
Рецензии