***
Драўляныя крылы крыжоў
Паўстаюць над зямлёй.
Зноў народзіцца Бог праваслаўны.
І нямала дарог я прайшоў,
І здаецца, што крок мой
Павольны і плаўны.
Хачу затрымацца на нашай зямлі
І трымацца за цёплыя крылы
Крыжоў.
А яны – жураўлі,
Што любілі мой край,
У які кожны з іх
Толькі птушкай прыйшоў...
Ах, зямля мая родная,
Шчырая,
Маё сэрца крыжамі
Драўлянымі гушкай…
Драўляныя крылы крыжоў,
Беражыце той шлях,
Што яшчэ не прайшоў,
На які не вярнуўся я
Птушкай...
31. 12. 2019 г., 31. 12. 2023 г.
Драуляныя крылы...
© Copyright: Юрий Боровицкий, 2023
Свидетельство о публикации №123123103714
Свидетельство о публикации №123123103714
Рецензии