К1анда рик1из гадни гатфар,
Майдин вацра хъчад афар.
Жагъайт1а пис жедач таквар,
Пад эч1екьай гуьрзед къапар.
Булахрал фин ягъиз шишер,
Чпихъ галаз къайи вишер.
Ширин лугьуз манид сесер,
Дустар галаз ийин кьуьлер.
К1анда рик1из хуьруьн гьава,
Дагъдин лекьер къугъваз цава.
Ярдиз к1анда цуьквер пара,
Багъишда за к1унч1ар хара.
Са хуьр ала дагъдин хурал,
Ярдин кифни къугъваз гарал,
Зун физава къванцин рагал,
Накь яр фейи дагъдин хурал.
К1анда рик1из жув хайи муг,
Гъуьр хьиз рекье гьатзавай руг.
Дердер-гъамар ц1ай яна куг,
Гъвеч1и ч1аван багьа я муг.
30.12.2023.
К1анда рик1из
© Copyright: Нажмудин Шихнабиев 2, 2023
Свидетельство о публикации №123123001679
Свидетельство о публикации №123123001679
Рецензии