К1андай хьи заз - жеда вафалу дустар,
Чарадаз гудач рик1ин сирер багьа,
Яр жеда, кьилиз акъуддай чи къастар,
Жувандини гьар са карда тир заха.
Чир жеда гьар сад, гьатайла жув к1еве.
Фашал дустунивай аллагьди хуьй чун.
Гьалт тавуй мирес авай ч1уру рекье,
Герек туш виждандал я тапан кьин кьун.
Ачух чинни ширин мез к1анда рик1из,
Ярдин хъверни яру п1узаррал къугъваз.
Мукьвабурни дустар зи шаддиз михьиз,
Хийирдин хабарарни мецел алаз.
Сад ава к1анивал, садни - жеривал,
Дустарни жеда душманвал ийидай,
Миресарни пехил жеда вири вал,
Ярни жеда вал аферин тегъидай.
Сад ава к1анивал, садни - жеривал...
Чир жеч а кьил гьик1 жедат1а къверивал...
19.12.2023.
Сад ава к1анивал, садни - жеривал
© Copyright: Нажмудин Шихнабиев 2, 2023
Свидетельство о публикации №123121900131
Свидетельство о публикации №123121900131
Рецензии