Анна Ахматова. Кьилдивал
Гьикьван пара къванер гадарнава зал,
Гила гьич садани гудач кичIевал.
Ингье, туькIуьрнавай зун патал желе,
Элкъвена ам хьанва иер са кIеле.
Сагърай а вегьейбур, заз акси камар,
Алатна фирай фад абурун гъамар.
Инай аквазва заз гьар юкъуз ярар,
Ракъинин нурари ийизва сувар.
Фад-фад агатзава зав, гатаз дакIар
Кефердин гьуьлерин саврухар, гарар,
Cа лиф ацукьзава нез зи гъиляй твар...
Мус ятIа зуракI яз амукьнавай чар-
Илгьамдин периди секинвиливди,
Кхьена куьтягьда къумрал гъиливди.
© Copyright: Билал Адилов, 2023
Свидетельство о публикации №123121800451
Свидетельство о публикации №123121800451
Рецензии
