Рик1ел хкиз гъвеч1и вахтар,
Хиялар зи жезва тар-мар.
Жергеда чи амач дустар,
Кьилиз фенач вири къастар.
Кьурагь,Дербент, Испик мукьва
Шихидхуьре хьанай садна.
Дурнайрин ц1иргъ хьиз къе кьат1на,
Сагъбур ама чипин мука.
Аквазмач гьич мад садаз сад,
Куьгьне хиял - амач ви дад,
Са вядеяр тирт1ани гад,
Жегьил чанар вири тир къад.
Хуьквезват1а яраб рик1ел,
Кхьей чарар ширин мецел!?
Сагъ амайбур экъеч1 рекьел,
Ша к1ват1 хъижен школад гъенел.
Кьейибуруз хьурай рагьмет,
Амайбуруз гурай мирвет,
Чазни амач акьван муьгьлет,
Дуствал я чи ч1ехи девлет.
И дуьнья са чид туш эхир,
Агакьдалди чинни нехир,
Са истик1ан ша хъван чехир,
Афат ични дадмиш эхир.
03.12.2023.
-------
Афат ич-анжах са Шихидхуьре битмиш жезвай майва я,
Урус Академический словарда гьак1 къалурнава ва т1варни
ик1 кхьенва: Шихикентский апорт.
Таяр-туьшериз
© Copyright: Нажмудин Шихнабиев 2, 2023
Свидетельство о публикации №123120306429
Свидетельство о публикации №123120306429
Рецензии