Мой човен плыве, мой човен плыве,
Ішоў да яго я па мокрай траве
Сярод цішыні, сярод валуноў -
Нарэшце яго знайшоў.
Мой човен плыве, мой човен плыве,
І рояцца думкі ў маёй галаве,
А думак - мільён, як сонечных дзён,
Дзе шчодра квітнее лён.
Плыві ты, мой човен, далёка-далёка
Па чыстай вадзе пад бегам аблокаў,
Пад россыпам зорак, пад коўдраю сноў,
Далей ад хлусні акоў.
Прэч ад мітусні, мой човен, ляці,
Шукаю я шчасця ў бурлівым жыцці -
Праз шум галасоў, скрозь гул гарадоў
Мой човен плыве ізноў!..
Снежань, 2023
#vitali_pazdniakou #вершынароднаймове #вершы #паэзія #лірыка
Фотаздымак: Blocks Fletcher | Unsplash.com
Мой човен плыве. На белорусском языке
© Copyright: Поздняков Виталий, 2023
Свидетельство о публикации №123120305843
Свидетельство о публикации №123120305843
Рецензии
