Экуьн кьиляй къарагъайла,
Нур чук1уриз рагъ акурай.
Билбилдини гьарагъайла,
Цуьк ахъайна багъ ч1агурай,
Имани са бахт я чилел.
Гьар са касди гуз ваз салам,
Ваз мили хъвер багъишзава,
Къацу ч1уран рехъ я алам,
Ви сефер ваз алхишзава,
Имани са бахт я чилел.
Цуькверин к1унч1 багъиш ярдиз,
Хайи чилин ни галамай.
Гьар гаф элкъуьр къизил зардиз,
Экуьн гъетрен чиг аламай,
Имани са бахт я чилел.
Ярдиз килиг шад хъверзавай,
Рехъ ачухиз рик1яй рик1из.
Аялдизни зарб зверзавай,
Дидед патав, руг гуз рекьиз,
Имани са бахт я чилел.
Куркурдин ван тунвай чарчар,
Ц1уруриз тик гьулданд рагар,
Акунихъ вил галай дустар,
Ша илифа, тухра къастар,
Имани са бахт я чилел.
26.11.2023.
Са бахт я чилел
© Copyright: Нажмудин Шихнабиев 2, 2023
Свидетельство о публикации №123112706241
Свидетельство о публикации №123112706241
Рецензии