***
Ранні вечар, аблокі, халодная кава,
Нешта брэшуць з экрана пра ўсіх і сябе.
А пад вокнамі вуліца: яма, канава,
І да хаты яшчэ хтось з работы грабе.
Мо, хіба што па вуліцы зараз прайсціся?
Але лепей не трэба, бо зломіш нагу.
Ранні вечар. Цямнее. Сядзі і маліся,
Калі можаш маліцца, а я не магу...
Ранні вечар. Аблокі. Халодная кава.
Нават рыфма і тая не йдзе ў галаву...
Як асфальт пакладуць, будзе іншая справа,
Ды наўрад ці да гэтага я дажыву...
24. 11. 2023 г., 12. 11. 2025 г.
Раннi вечар, аблокi, халодная кава...
© Copyright: Юрий Боровицкий, 2023
Свидетельство о публикации №123112405976
Свидетельство о публикации №123112405976
Рецензии