(Пародия)
Зун накь ярдиз теменар гуз алахъна,
Са шумудра гузни залай алакьна.
Амма жувак чка кумач аквадай:
Са хесет ква зи ярдик пис чухвадай.
(Майрудин Бабаханов)
Зун накь ярдиз теменар гуз алахъна,
Амма ярди зун къавах хьиз патахъна.
Кьил акъатдалд, гугрумдин ван авуна,
Зун ругун хьиз чилел алаз акуна.
Ахъайна киф, кут1унна сифте гъилер,
Асланди хьиз сухна ахпа заз к1ирер.
Ивид селлер физ хьана зи хирерай,
Акъатдачир залумд рушан кикерай.
Хъвехъ к1асайла, кьурд хьиз хана хехини,
Т1амп1 ягъайла- ягъайди хьиз михини.
Зи бедендик чка кумач аквадай:
Пис хесет ква зи ярдик пис чухвадай.
Шаирдиз и ажузвал тушт1ани лайих,
Муьгьуьббатдин женгина хьана зун зайиф.
Амма ибур я эхиримжи хирер.
Мад за ярдив ийиз тадач хъвер,
Каратэдин приемар чирда жуваз за-
Ахпа гуда теменар тухдалди за.
Эхиримжи хирер
© Copyright: Нажмудин Шихнабиев 2, 2023
Свидетельство о публикации №123111703221
Свидетельство о публикации №123111703221
Рецензии