Жегьил шаирдиз жегьил къавахдин жаваб

        (Пародия)

                Пенжердихъай яргъи йифди
                Арза-ферзе ийизва.
                Заз чизва, ваз,жегьил къавах,
                Ачух къецел мекьизва.
                Чими к1валин чими къулав
                Вазни чка амукьдай.
                К1ан хьайила чун къаткидай,
                К1ан хьайила ацукьдай.
                (Абдуселим Исмаилов. " Жегьил къавах"
                "Кард" № 10. 1987 й.)

Абдуселим, валай гъейри
Заз эверайд хьайид туш.
Икьван язух зун атай кас,
Садан рик1ни захъ кайид туш.

Ваз чизва, заз мекьизвайди,
Жанг яна тандиз къецел.
На ийизвач хъуьт1уькай гад,
Экъеч1завач вун гъенел.

Чими к1валин чими къулав,
Заз чка на туьк1уьриз,
К1анзавани кудай ялав,
Къула туна, куьк1уьнриз.

Пенжердихъай зи арзадиз,
Далу хъуьрез, на ябгуз,
Вил алани гъилер-хилер,
Кьурана, ваз жед лугьуз.

Ваз чизва, заз, жегьил шаир,
Ачух къецел мекьизва.
Ят1ан рик1ел хуьх вуна , зи
Дувул чиле чимизма.