Шадыбекден юзюлмейин келген тёлю,
Бюгюнлюкде къууанады сизге кёлюм:
Къартыбызны сыйын тута мийикде-
Джашларыбыз болумлула, джигитле.
Сыйыбызны тюшюрмейин, ёмюрлени келебиз,
Джууукъ-тенгнге, къонакъгъа къучакъланы керебиз.
Бизде шартла: ачыкъ джюрек, намыс, тюзлюк, тазалыкъ,
Барыбыз да табайыкъ Уллу Аллахдан разылыкъ.
Къарачайда онглуланы бирибиз,
Башда-акъыл, билекде-кюч, тирибиз.
Игилик бла айтылсын хаман атыбыз,
Ёхтемлениб къарарча Хубий атабыз.
Хубий тукъумгъа
© Copyright: Мёлек Хубий, 2023
Свидетельство о публикации №123111004680
Свидетельство о публикации №123111004680
Рецензии