Аквазмач рагъ вили цава,
Къвазва,къвазва, марфар къвазва.
Гуьндуьзар хьиз сух жез чилиз,
Пад-пад хьанвай чил хуцвазва.
Ацазва мад гару цифер,
Ац1узвач чил,жезвач я тух.
Ишезва тар, кьежей кифер,
Амач ч1иб чил марф тахьай сух.
Гугрум ийиз хъуьрезва цав,
К1амукай вац1 хьанва лугьуз.
Т1илиди ван къачунвай къав,
Алахьзава т1ач хьиз агъуз.
Ирид цавар, ирид чилер-
Сад авунва вили чилди.
Дуьнья дарна, ашукь рик1ер
Сугъулзава и шикилди.
Амма квахьна марфни цифни,
Хъуьрена рагъ вили цава.
Цавун аршда лацу лифни
Къугъваз ава михьи цава.
02.10.1997.
Зулун марфар
© Copyright: Нажмудин Шихнабиев 2, 2023
Свидетельство о публикации №123110804825
Свидетельство о публикации №123110804825
Рецензии