Элкъвена яд, зун цин кьула,
К1анчни са хуп1 булахдин яд!
Инсанрин пар аваз к1ула,
Зун инсандихъ къекъвезва мад.
Ина сугьбет кьец1ил хьанва -
Рик1елламач эдебни ягь.
Заз зи намус кьезил хьанва,
За вуч ийин,я сад аллагь.
Са экв ава, са рехъ ава-
Катун патал себеб ава,
Зи чандани эрекь ава,
Рик1е дагъма- рехне ава.
Хуькведа зун мад дагълариз,
Михьи хъийиз зи эдеб, ягь,
Минетда за пак дагълариз,
Рик1е хьурай нур гудай рагъ.
Зун гъалат1дин хьанай есир,
Алатна хьи рик1елай п1ир.
Гьар гьалтайдаз ахъайиз сир,
Хиве гьатнай ч1ехи тахсир.
Хучнидин чарчар.15.07.1983.
Хкведа зун дагълариз мад
© Copyright: Нажмудин Шихнабиев 2, 2023
Свидетельство о публикации №123110706527
Свидетельство о публикации №123110706527
Рецензии