Хъел хьана зав зи к1аниди,
Себеб авач,я квач тахсир,
Я аллагьди заз гайиди,
Ви ашкъидин хьанай есир.
Кармашна зи куьгьне хирер,
Ч1улав ц1ивин хьана беден,
Артухна заз авай дердер,
Умуд я зи, вун захъ элкъвен!
Зак анжах ква тек са тахсир-
Ийиз туна вав рик1е муг.
Вун ашкъидин хвена за сир,
Ви рик1ин ц1ал зи гьиссер куг.
Вун хъел хьайи йикъалай зав,
Зи п1узарриз яна куз пих,
Вучиз мич1на заз вили цав,
Рекьидат1а, ягъ рик1из мих.
Зи ширинди, геж тахьуй хъел,
Вун кард я, зун чилина кьур,
Вав къастунай кьунач за мерж,
Ачух заз ви рик1евай нур.
Чан ширинди, зав хъел жемир,
Зи рик1евай вун хер жемир,
Ашкъи кьат1дай вун хьел жемир,
Мад садрани зав хъел жемир.
03.11.2-23.
Хъел жемир
© Copyright: Нажмудин Шихнабиев 2, 2023
Свидетельство о публикации №123110306433
Свидетельство о публикации №123110306433
Рецензии