***
Паэзіяй ачышчайце
Знявераны гэты час...
Міхась Башлакоў
Восень, чароўная восень...
Зараз знявераны час.
Джаляць навіны, як восы,
Раняць, зняверваюць нас.
Гінуць нявінныя людзі
Ў гэты знявераны час...
Хто тых забойцаў асудзіць?
Хто гэта зробіць за нас?
Восень, чароўная восень
Плача лісцём залатым,
А над вяршынямі сосен -
Болю і горычы дым...
Гінуць нявінныя людзі...
Восень асінай дрыжыць...
Колькі смярцей яшчэ будзе?
Як іх усе перажыць?
Толькі ў паэзію верце
Ў гэты знявераны час,
Дзе паміж гора і смерцю
Моліцца восень за вас.
30. 10. 2023 г.
Восень, чароуная восень...
© Copyright: Юрий Боровицкий, 2023
Свидетельство о публикации №123103003377
Свидетельство о публикации №123103003377
Рецензии