Гьаб жакъа г1адинан роххарал къоял,
Нилъер кьибилалда г1емер рук1аги .
Кьолбода нур барав бах1арав г1адал.
Г1емерлъаги васал Дагъистаналда!
Инсул Ват1ан ц1унун ц1адай к1анц1улел,
Аза-азар г1еги Мурад мун г1адал…
Г1умро бичаниги ях1 бичуларел,
Г1олохъабаз ц1еги лъоб Хунзахъ район….
Лъаг1елал сверила саг1тал тирила,
Тела заманаялъ жиндирго лъалк1ал.
Лъик1аб г1амалалъги г1аданлъиялъги,
Г1умро берцинлъула къимат борхула.
Мун г1идра т1егь йиго т1ад саву ккеч1еб,
Меседо милъиршо куркьбал г1едераб.
Роржен борхатго ккве пахрого хьваде,
Мун зодоб ц1ва йик1ин бихьизе гьабе!
Рукъ роц1ц1ун хут1аги даим кидаго ,
Т1урайги щивасул рек1ел мурадал!
Жегиги къвак1айги нилъелъ гьаб иман,
К1одолъаги нилъер гьаб Гьандихъ росу!
на свадьбу Меседо и Мураду
© Copyright: Аминат Максудова, 2023
Свидетельство о публикации №123102702220
Свидетельство о публикации №123102702220
Рецензии