Балугъ хьиз ч1ал незва туп1ал шаирди-
Мертебадив кьадай са гаф жагъизвач.
Туьрк ч1алакай даях кьазва факъирди,
Чи лезги ч1ал ядай са саф жагъизвач.
****************
Туп1ал шаир, вун рахамир терхеба,
Вилер аваз, вун къекъвемир буьркьвеба,
Гьуьндуьрдава а вун авай мертеба,
Эвич1 чилел, гафар ава жуьреба.
Фимир терс яз дуьз рекьерай кирсеба,
Чархар хана,амукьда ви араба,
Зегьмет ч1угу т1уьн паталди мураба,
"Мергьеба" гаф чи ч1ала я къураба.
Яб це вуна лезги рушаз чинеба,
Мани лугьуз, эч1евайла эквеба,
Ихрекай тир шаир буьркьуь Режеба,
Теснифай ч1ал эзберзава Ажеба.
Вун вак акваз, куьз а вак1ан гелева?
Вири меле, вун ч1ар чухваз, йикьева?
Хкягъ к1ани рифма гьа и шиирдай,
Акуй вунни эллериз са шаирдай.
09.01.1981.
Туп1ал шаирдиз
© Copyright: Нажмудин Шихнабиев 2, 2023
Свидетельство о публикации №123101806475
Свидетельство о публикации №123101806475
Рецензии