Зулуз
Марфари кьил чухваз гузмач.
Кувуднава гатана гад,
Зулу вичин абур хуьзмач.
Цавар, чилер хьанва тумав,
Кунцl кватнава гьавадкай гьикl.
Сад - кьвед югъни, гатун кумай,
Гихлигнава вичин къарик.
Гьат хъувунвай цуьквед цlийи,
Марвардин кул кьежизава.
Авахьзава виляй иви,
Цацарни кваз ишезава.
Гьайбат хьанва макъам гъиляй
Ахъайнавай куьчери къуш.
Чидач адаз лап а кьиляй,
Мад и къаяр уьтери туш.
Зул, икl фараш вучда вакай?
Къайи къван хьиз, вун низ кlанда?
Ша тlун яргъаз хьухь вун чакай,
Ацlукь жуван чlуруканда.
Вуч уьмуьрна гату, лагь кван -
Хьанани ваз эверайди?
Жузуз садра яни кlубан
Чил, гьатнавай кlевера ви?
Хъипи хьанвач тарарин пеш,
Гарараллаз тухуз я вун.
Вуч я икьван вахъ галай кьеж -
Им гьикl жува эхиз я вун?
Гъинкай чилиз буьркьуь чlимел,
Са тlимил кьван галата, зул.
Зун вердиш я гатун чимел,
Заз вун кlандач, алата, зул!..
31.08.2023
Свидетельство о публикации №123101201455