Кlани кьван лагь вун албан я, мез кьаз жеч хьи, вуч ийида?
Асул албан тирбурни лагь акl хьайила вутl хъийида.
Залай хъсан чизвайд я ваз ттарциз вичин дувул кlанда,
Чараданди кутуртlа на, яргъал фидач, фад китlида.
Диде - буба хкягъиз жеч, вужар ятlа гьабур жеда,
Къайил хьана ацlукь, гьатмир мад итlида, мад битlида.
Америка ахъайнава чаз Христофор Колумба,
Зазни кlандай зи кlвачихъ хьуй, лагь де гила гьикl кхьида?
Илигна лагь гьалвадин тlвар, дад жедани сиве верцlи?
Йике гафар ийиз табдач за, бес я заз зи исида.
Кьисметди ваз гана гьар затl, захъ амайди гьа са тlвар я,
Вуч хкlанда мад артух ваз, сирнавзава на метlеда.
Ша яхъ вуна кlевидаказ авайдакай, хьайидакай,
Гьич яргъимир гьарамдал гъил, килиг гьатда ам фитlеда.
23.08.2023
***
© Copyright: Намик Фарзалиев, 2023
Свидетельство о публикации №123101201420
Свидетельство о публикации №123101201420
Рецензии