Таржумаяр

За жакьваз тир
бюрократвал
жанавурди хьиз.
Мандатриз къарши
авач заз икрам.
Алатрай
жегьлемдиз сеперар галаз
гьар гьи ччар, кагъаз.
Де за и макъам...
Купе -
каютайрин
яргъи
залина
чиновник
экъвезва эдебдив.
Вугузва паспортар
вирида
вугузва
зани
жуван
мичlи - яруди.
Са паспортриз къарши -
хъуьрезва пlузар.
Муькуьбур -
аквазвач  тlветlрейни.
Икрамдив,
къачузва, месела,
паспортар -
ингилисдин аслан
кьве меселлай.
Вилерив
незава регьимлу халу,
агъузиз вичин кьил
гьуьрметдив,
къачузвай хьиз чайлух
миннетдив,
агатзава америкавидив.
Полякдиндаз
килигзава -
на лагь цlегь афишадиз.
Вичин филдин
кьван хьанавай
йике
вилер экъисзава -
ажайиб са тамаша хьиз:
гьинай, гьикlа,
им вуч я жал -
картайравачир цlийивал?
Элкъуьрни тавуна
келемдин кьил,
къалурнач са гьисс,
килигна датчанриз
кlаркl илис тийиз
ва гьакlни
шведриз - мведриз.
Ва санлай,
на лугьуз
кайид хьиз,
жанабид
сив япал акъатна.
Зи
мичlи яруд я
къачузва
агатна.
Къачузва -
бомба хьиз,
къачузва
кьуьгъуьр хьиз,
саки уьлгуьж
хци,
20 агъудин
кьвеметрелух
гъуьлягъ саки
къачузва гъилиз.
Гьамбалди
маналудаказ
вилербурзава заз,
за ви шейер
гьавайда
хутахда -
къалура адаз.
Жандарма
чинебан агентдиз,
агент - жандармадиз
килигна
суалдив.
Гьи лезетдив
абури зун
хашиниз акъуддай,
катаз тир,
тlа я лагь -
кутадин,
баскlумдин
герб алай
советрин и паспорт
зун гъиле
аваз тир.
За жакьваз тир
бюрократвал
жанавурди хьиз.
Мандатриз къарши
авач заз икрам.
Алатрай
жегьлемдиз сеперар галаз
гьар гьи ччар, кагъаз.
Де за и макъам...
Акъудзава
фирягь шавлардин
жибиндай
сенед за
къиметсуз парцин.
Кlела,
пехилвала,
хьухь кана кармаш,
Советрин Союздин -
я зун
ватандаш.
17.08.2023