Къерех кьуна Самур вац1ун,
Эк1я хьанва гуьрчег хуьрер.
Мерд инсанрин зегьмет акун,
Шад я квел гьар садан рик1ер.
Бул бегьерар к1ват1из гатуз,
Халкьарик ква ашкъи-гьевес,
Уьмуьр гуьрчег ийин лугьуз,
Район хьанва ажеб серес.
Кьуд патахъай къвезва дустар,
Юбилей квез мубаракиз.
Кьилиз фирай рик1ин къаствр,
Чи лезги чил гуьрчегариз.
Са кьил дагълар, са кьилни гьуьл,
Девлет ава куьтягь тежер,
Авадан хьуй акъатна гуьл,
Жечни ашукь чилел мегер.
Мубаракрай квез кьудкъад йис,
Берекат хьуй генани бул,
Шад яз гьарда авурай гьисс,
Вичин пайни квайди я зул.
Агъзур йисар фирай гьа ик1,
Самур вац1ун яд хьиз гьуьлуьз.
И район я чи чилин рик1,
Яшамишрай даим миллиз.
11.10.2023.
Юбилей мубаракрай
© Copyright: Нажмудин Шихнабиев 2, 2023
Свидетельство о публикации №123101100519
Свидетельство о публикации №123101100519
Рецензии