Вун шегьерда, зун дагъдин куьгьне хуьре,
Дарихзава, гуьгьуьл кьадай кас авач,
Акваз к1андач кьар авай гуьт1уь куьче,
Шад хабар гваз зав рахадай кас авач.
К1анда хьи заз, къвез шегьердиз вун авай,
Анжах авани зун герек тир инсан...
Бес рик1из вучин, дат1ана вун авай,
Чара кас яз, икьван жедани масан...
Акурла вун, рахадай гаф жагъизвач,
Кьуразва мез, гьак1 нубатсуз рахадай,
Рик1ин гьиссер са бубатни рекъизвач,
Кьве чан авач, сад ви рекье къурбанддай.
За вучин ваз,гьахьна рик1е, муг авур,
Хуьда гьана жезмай кьван, ийиз туьмер,
Са зун туш чилел умудрин руг акур,
Кьурт1а зун к1анидай, це заз са эвер.
Ц1айлапандин хьел хьиз акъатда хьи зун,
Ви дидардиз, к1аниди,гадарна хуьр.
Мурад я рик1евай - ви къамат акун,
Ак1 тахьайт1а, рик1ин ц1ай ая туьхуьр.
10.10.2023.
Вун шегьерда- зун хуьре
© Copyright: Нажмудин Шихнабиев 2, 2023
Свидетельство о публикации №123101003694
Свидетельство о публикации №123101003694
Рецензии