Наиля

Яргъи ч1арар,яргъи беден авай руш,
Ч1улав ч1арар,ч1улав вилер авай руш.
Дагъларин ранг,багъларин ранг алай руш,
Муьгьуьббатдин рагъ яни вах,Наиля.

Яргъи кифер таза къуьнел къугъвазва,
Булахд рекье вун кварни гваз аквазва.
Лезги цуькверал чан гъида на гуьзел руш,
Муьгьуьббатдин женнет я вах,Наиля.

Сад лагьана вун зи рик1е ч1угуна,
Сад лагьана зи дамариз гьахьна вун.
Сад лагьана зи хиялдиз гьахьна вун,
Муьгьуьббатдин цуьк я зи вах,Наиля.

Заз ахварай аквада вун гьамиша,
Завди ширин рахада вун Наиля.
Чи кьисметар Алллагьди сад авурай,
Муьгьуьббатдин ахвар я зи,Наиля.

Зи илгьам я,зи нефес я,гьамиша,
Зи ашкъи я,зи мелгьем я,гьамиша.
Зи шадвал я,зи мани я,гьамиша,
Вун зи чан я,зи иман я,Наиля.

Къанни вад йисахъ агакьнава яшариз,
Мержан цуькведиз ухшар я вун,гатфариз.
Ви милли хъвер багъиш ая дуьньядиз,
Вун гъилерал хуьда зи рик1,Наиля.

Сакратазни,Альбинадиз,алмаз хьиз,
Вахаризни,стхайриз вун чирагъ хьиз.
Яр-дустариз, рушаризни чирагъ хьиз,
Муьгьуьббатдин дарман я зи, Наиля.

Мурада ви буржи кьилиз акъудна,
Зи шиирдиз къимет це вах,Наиля.
Ширин гафар рик1Е аваз кхьизва,
Аллагьди чун бахтлу авурай,Наиля.
Мурад Тагирбеков
07.09.2023 йис