Ви гуьрчегвили туна зун есирда,
Ихьтин тават мус хьана, гьи девирда!?
Кьат1анат1а вуна рик1е авай хиялар,
Кьабулна за ви уьмуьрдин амалар.
Вучиз туна зун суьгьуьрда гьиссерин,
Язух ша зи ахвар тахьай йиферин,
Юг авуна зи рик1ин на дамарра,
"К1анда" лугьур са гаф туна п1узарра.
Чи яшарин пара ава тафават,
Зун гьейранна ви къаматдал аламат,
Амач хьи захъ къуват экъеч1дай акси,
Ви муьгьуьббатдиз жез к1анзавач аси.
Ви т1вар ава зи кьисметдин бинеда,
Гурлу вац1 хьиз дагъларин дар дереда.
За вучда ваз эвер хьайи зи руьгьдин,
Рик1ни жигер акахьайла чуьруькдик.
Лезгидалди ви т1вар ялда "назикди",
Тавазвалдай ярдиз юкъуз-йифизни,
Зун шаир хьуй тек са валай тарифдай,
Кудай гьиссер гваз са валди илифдай.
Эмилия- назикди
© Copyright: Нажмудин Шихнабиев 2, 2023
Свидетельство о публикации №123100506847
Свидетельство о публикации №123100506847
Рецензии