***
Патанаю у тумане,
Выныраю ў светлым дні.
Нібы хвалі ў акіяне,
Жоўтых лісцікаў агні.
І кідаю дзень на хвалі,
І бягуць-бягуць кругі,
І згасаюць ў сіняй далі
Чыстай восеньскай тугі.
І калінавай гарчынкай
Растае на вуснах сум.
Восень ранняя - дзяўчынка,
Залатой сукенкі шум.
І на стомлены пагорак
Паднімаюся, гляджу:
Шапаценне лісця-зорак
Ціха коціцца ў мяжу.
І іду са спадзяваннем
Восень раннюю сустрэць
І яе пяшчотным ззяннем
Сэрца крышачку сагрэць.
26. 09. 2023 г.
Патанаю у тумане...
© Copyright: Юрий Боровицкий, 2023
Свидетельство о публикации №123092603076
Свидетельство о публикации №123092603076
Рецензии