Вучиз фенай рик1елай кьин,
Жегьил тирла на заз гайи,
Гила за ваз, руш, вуч ийин,
Ви кьисмет я гьа вун кайид.
Бахтунилай яна на кам,
Кьисметдизни ганай на к1ур.
Гъуьлуькай ваз хьанайни гъам?
Фад туьхвенай ви ашкъи гур.
Я кьисметар тахьай к1анид,
Зун къужа я, вунни баде.
Вун я хьи чи бахт кайид,
Алатна вун к1ани вяде.
На яна ваз тух чамарар,
Гила закай ваз жеч даях,
Вакай хьана заз хабарар,
Жуваз кьадай адахли яхъ.
Кьведра са ц1у кудач садни,
Амач вахъни жегьил дадни,
Кьурана зи рик1ин падни,
Жегьил хъижеч гила садни.
Кьисмет тахьай рушаз
© Copyright: Нажмудин Шихнабиев 2, 2023
Свидетельство о публикации №123092400610
Свидетельство о публикации №123092400610
Рецензии