Заз са гуьзел руш хушзава,
Рик1и рик1 нез, заз гужзава,
Яраб к1ани яр жедат1а,
Зи къаршидиз яр къведат1а...
Зун акурла, вилер хъуьрез,
Рик1ин гьиссер ачух тежез,
Са уьтери зал вил вегьез,
Зи къаршидиз яр къведат1а...
Ажайиб хъвер сивел алаз,
Ширин гафар мецел алаз,
Ракъин нурар пелел алаз,\
Зи къаршидиз яр къведат1а...
Ви буйдиз кьий , таза къелем,
Гьар са гаф я рик1из мелгьем,
Цуьк я ахъа тахьай бегьем,
Зи къаршидиз яр къведат1а...
Т1алабин за нивай куьмек,
Атун патал зи яр гуьрчег,
Зи ван къведай авач фелек,
Зи къаршидиз яр къведат1а...
24.09.2023.
Яр къведат1а...
© Copyright: Нажмудин Шихнабиев 2, 2023
Свидетельство о публикации №123092405966
Свидетельство о публикации №123092405966
Рецензии