Эшме эшиб эшекге,
Чабыб чыкъдым эшикге.
Къыркъдым,- дединг, - ишекни,
Мен а болдум ишекли:
Бизде джокъ эди ишек,
Барды джангыз бир эшек.
О, хайырсыз, сен, киши,
Джокъмуду башха ишинг?
Эшек минди тёшекге,
Сыйынмады бешикге.
Чычхан чыкъды тешикден,
Къоркъду тюксюз эшекден.
Эшек окъуб башлады-
Чычхан эсин ташлады.
Таякъ бла чабды киши-
Тюшдю чычханны тиши.
О, сандыракъ, сандыракъ,
Сандыракъны сандырадым,
Ары- чалкъы, бери-оракъ,
Тели сёзюмю англадым.
О, багъалы окъуучу!
Сен окъума эшекча,
Болма ишден къоркъуучу,
Джатма мамукъ тёшекча.
Сандыракъ
© Copyright: Мёлек Хубий, 2023
Свидетельство о публикации №123092001365
Свидетельство о публикации №123092001365
Рецензии