Къизилгуьлдиз ухшар рушаз,
Т1вар гана гуьрчег Къизилгуьл,
Ч1улав кифер къугъваз гарал,
Ашукьбурун шадда гуьгьуьл.
Яраб кьисмет низ жедат1а,
Акьван назик гатфарин цуьк,
Ви къаршидиз вуж къведат1а,
Алукьда югъ жедай куьн жуьт.
Келегъадин кьуд п1ип1 кьуна,
Вун рушари твада юкьва,
"Перизада" лугьуз, суна,
Вун к1анидаз жеда мукьва.
Балк1анраллаз авуй чамар,
Межлисда хьуй къизгъин ц1аяр.
Чина дуьгуьр, гъилихъ цамар,
Алад гъуьлуьз, шад бахтавар.
Къе вирида кьада куь т1вар,
Т1алабиз квез даим бахтар,
Гьала девран, яргъал вахтар,
Гележегдин нурлу йикъар.
15.09.2023.
Къизилгуьл
© Copyright: Нажмудин Шихнабиев 2, 2023
Свидетельство о публикации №123091506612
Свидетельство о публикации №123091506612
Рецензии