Рик1 ат1умир , зи к1аниди,
Заз чизва, вун я къениди.
Лагь келима хуш тир рик1из,
Ша захъ галаз бахтлу рекьиз.
Вун такурла,жезва дарих,
Вун акунихъ жезва къаних.
Жечни гьар къуз лугьуз са гаф,
Вун к1анидаз икьван гзаф.
Рик1 ат1умир, лагьана тур,
Къалура заз ви рик1ин нур.
Пехил хьурай дустар вири,
Вун патав гваз, к1ани пери.
За югъ-йифди ийиз фикир,
Жагъизвач вун фейи жигъир,
Рик1е хьуй ви са мергьемет,
Аллагьдиз за ийид минет.
Хк1азва зун аршдик цаварин,
Ван хьайила ви гафарин,
Уьмуьрлух зун ви гелева,
Чи кьисмет гьа чи гъилева.
09.09.2023.
Рик1 ат1умир
© Copyright: Нажмудин Шихнабиев 2, 2023
Свидетельство о публикации №123090903385
Свидетельство о публикации №123090903385
Рецензии