Залан хьайи гьавадиз циф,
Ламузмаз эк1яна чилел,
Йикъан къене къатадиз йиф,
Зулун йикъар гъана гъенел.
Къавах тарар ишезава,
Пешер залан хьана лугьуз,
Ичинбуру дамахзава:
Яру, къацу ичер къалуз.
Фурсар ийиз алахъзава
Жик1ид вални аламай руг,
Чара ничхар къурвахзава,
Нуьк1ре ишез, квахьнавай муг.
Руг аламай кьурай векьер,
Рагъ к1анзавай мулдин цуьквер,
Къушарин шад манид сесер
Агаж хьанва, тежез са хъвер.
Хуькведа мад рагъ алай къар,
К1вахьай пешер михьийиз гар,
Гату хьиз лап кудай вахтар,
Бегьер к1ват1дай бес тир кьадар.
09.09.2023.
Зулун йикъар
© Copyright: Нажмудин Шихнабиев 2, 2023
Свидетельство о публикации №123090902043
Свидетельство о публикации №123090902043
Рецензии