Миллетине джан аурутхан алан къыз
Къарачайны тарихинде къалын ыз
Бегитгенди, къаджыкъмайын кюрешиб,
Билген затын сабийле бла юлешиб.
Элли беш джыл устазлыкъны джолунда
Кёб сохтаны чыгъаргъанды къолундан,
Ана тилге сюймекликни сингдириб,
Адамлыкъны баш тизгиннге миндириб.
Къолу чемер, ашха-суугъа устады,
Терезе элде Ана тилден устазды.
Музей ачханд, китаб джазад- джигерди,
Билими бла къурч таякъны бюгерди.
Ишин билед, сабийлеге кемсизди,
Ата джуртха сюймеклиги - чексизди
АлхамдулиЛлах, хар неси да аламатды
Бу бары да эгечибиз - Халиматды!
Тамада эгечибиз Халиматха
© Copyright: Мёлек Хубий, 2023
Свидетельство о публикации №123090603908
Свидетельство о публикации №123090603908
Рецензии