Пачагьарни алимарни,
Экъеч1айд я шегьре рекьел,
Тарсар гайи м(у)аллимарни,
Гьуьрметдивди хвена рик1ел.
Чирвилерин сувар хьана
Марифатдин чи эллериз.
Гьар са тарс гурар хьана,
Имтигьанрай экъеч1из.
Къаварикай дестек кутур,
Дараматар амач куьгьне,
Гьар аялди гьунар къалур,
Илим мукьва ая куьне.
Биц1екризни хьанва бахча,
Тербичияр пара багьа,
Школадиз фида пака,
Илимдин пар аваз к1ула.
Бахтлу хьурай куьн, аялар,
Дикъетдивди к1елиз тарсар,
Муаллимдин рик1ин гафар
Гележегдин я квез варар.
Муаллимар, куьн бахтлу хьуй,
Куь бегьерар зул хьиз атуй.
Куь зегьметдиз къиметни гуй,
Ашкъи авай рик1ер акуй.
23.08.2023.
Чирвилерин йикъаз
© Copyright: Нажмудин Шихнабиев 2, 2023
Свидетельство о публикации №123082307483
Свидетельство о публикации №123082307483
Рецензии