***
Пішу, каб сказаць, што жывы,
Што сонечна ззяюць нябёсы,
І што ў глыбіні сінявы
Знікаюць світальныя росы.
Пішу, каб сказаць, што жыву,
Пакуль не спяшаюся ў неба
І п'ю на зямлі сіняву
Са смакам надзённага хлеба.
Пішу, каб радок не ржавеў,
І сэрца свой рух не спыняла,
І жнівень пра лета мне пеў,
Якога душы маёй мала.
21. 08. 2023 г.
Пiшу, каб сказаць, што жывы...
© Copyright: Юрий Боровицкий, 2023
Свидетельство о публикации №123082103875
Свидетельство о публикации №123082103875
Рецензии