Чими салам я квез, дустар,
Михьи гьиссер, къени къастар,
Кьисмет хьурай гьар са касдиз,
Рик1ер хьурай даим шаддиз.
Жемир акьван куьн секиндиз,
Рик1е ялав куй къизгъиндиз,
Гьар са ц1елхем нурлу гъед хьуй,
Мецел гафар ширин мед хьуй.
Яргъал, мукьвал гьич лугьумир,
Дуствилиз мензил къалурмир.
Харжар, буржар къвезвач герек,
Ачух чин я дустун куьлег.
Архадилай багьа жеда,
Дустар пара заха жеда,
Гьар дуст жуваз мукьва жеда,
Рик1ин къене- мука жеда.
Дустар я зи ч!ехи девлет,
Арадава ч1ехи гьуьрмет,
Авач адахъ ерли къимет,
К1аниди я - чандиз лезет.
19.08.2023.
Салам, дустар!
© Copyright: Нажмудин Шихнабиев 2, 2023
Свидетельство о публикации №123081906484
Свидетельство о публикации №123081906484
Рецензии