Дека хьо,олхазар,б1аьстенан гаргол,
Хьайн хазчу иллица туо бо ахь машар.
Самукъне, сирла де къагадо гуттар,
Хета-кха, схьахезарг болш санна пондар.
Ма хаза кхоьллина дикачу Дала
Сов мерза х1ар дуьне,къагош кхун 1алам.
Бес-бесар стоьмашца гойтуш вайн аьхке,
Хазаллин суьрташца тухуш б1аьрг Махке.
Сий долу Нохчийчоь ехийла маьрша,
Хьо ц1а а магойла кхуьлина,1аьржа.
Даймаьхках йоккхаеш,ехийла Нана,
Г1айг1ано йожина ма гойла ц1а а.
Ма хаза,ма зевне бека хьо,пондар,
Раг1о чохь хоьттина ч1ег1ардгин ловзар.
Сема ду,сирла ду олхазрийн иллеш,
Дог-ойлий г1аттаеш,ловзарца тоеш.
Ехийла Нохчийчоь,боккхуш вай толам,
Дахарехь хоьцуш шен парг1атон орам,
Дерриге дуьнено Нохчи к1ам лоруш,
Дегнашкахь дека аз,денна самдолуш.
24.04.17г.
Дека хьо, олхазар!
© Copyright: Петимат Давдаева, 2023
Свидетельство о публикации №123081204252
Свидетельство о публикации №123081204252
Рецензии