Сэ лъам сытетми сынэк1уэнт уи деж,
Зыщ1ып1э деж сыщыпхуэзэну сщ1атэм.
Тхьэмпэ п1ыщ1ам емышу уэшх къыпож,
Уэс къытесар и нэпсым игъэтк1уати.
Пшахъуэ къэплъам сыхэтми сынэк1уэнт,
Си лъэгур щ1исык1ами,гум ишэчу.
Ар узуи зык1и зыкъозмыгъэщ1энт,
Зыскъузми, сыгуф1энт зыхуэзгъэшэчу.
Мыл щтам сытету лъапц1эу сынэк1уэнт,
Лъакъуит1ыр ф1исык1ами,нэгур гъагъэу.
Уи 1эпл1эм дежи сэ сыщыджэлэнт,
Аф1эк1к1э си 1эпкълъэпкъым симы1ыгъыу.
Маф1эсми сыпхык1ыну сф1эщ1т слъэк1ын,
Нэпсым сэ псыф сищ1ати,ар слъэк1ынут.
Ди Тхьэшхуэр,сощ1э,къыздэ1эпыкъунт,
Сэ куд къысхуещ1э,ари къысхуищ1энут.
Ди гъащ1эм дэ зэ къыщ1едгъэдзэжынт,
Дытеувэнт иджыри гъуэгу мытыншым.
Куэд1ейк1э ар нэхъ тынш иджы тщыхъунт,
Дрик1уэфыну п1эрэт щыуагъэншэу?!
03.08.23гъ
Сынэк1уэнщ уи деж
© Copyright: Кипова Лена, 2023
Свидетельство о публикации №123080500153
Свидетельство о публикации №123080500153
Рецензии