Сыхуейкъым зыри,си ныбжьэгъу,
Аф1эк1 укъызэмыджэ.
Гур хьэлъэу сыщыхуейм псэлъэгъу.
Сэ уэ сыщыпк1элъыджэм
Дакъикъи къысхуэбгъуэтыфакъым,
Сынызэроджэр зэхэпхакъым.
Уи жеи зыхуэбгъэныкъуакъым,
Зыщыбгъэпсэхуи уигу къэк1акъым,
Зыц1ык1ук1и сыкъыпф1э1уэхуакъым.
Си си гур хуэму ббгъэдэк1ащ,
Уэ узимы1эм уахэзбжащ,
Сэ си бжэр уэрк1э зэхуэсщ1ащ.
Иджы абы укъытоу1уэ,
"Жэуап къызэт!"-укъызолъэ1ур.
Аф1эк1 къэслъыхъуэркъым уи макъ,
Тенауэ телъщ сэ си тэмакъым
Гулъытэ сызэримы1ар,
Си упщ1эм жэуап къомытар,
Сэр щхьэк1э зэман уимы1ар.
Сэ сыщыхуейм сымыгъуэтар
Ныбжьэгъу схуэхъунукъым.Аращ!
Ди гъуэгухэр иджы зэхэк1ащ!
Сэ сыщыхуейм сымыгъуэтар
Ныбжьэгъу схуэхъунукъым.Аращ!
Ди гъуэгухэр иджы зэхэк1ащ.
13.01.2023гъ
Аф1эк1 укъызэмыджэ
© Copyright: Кипова Лена, 2023
Свидетельство о публикации №123080107717
Свидетельство о публикации №123080107717
Рецензии