(Террористри яна кьейи Агъаст1алвидиз)
Яраб дуьнья вучиз ик1 хьанайт1а,
Себебсуз инсандин рик1 ханайт1а?!
Чил гигинлай алатнайн тахьайт1а,
Ягъун, кьиникь деб хьанайн рахайт1а?!
Гьукуматдин къуллугъчи Джалалдин,
Ислягь тир, са кап фу нез гьалалдин.
Алчахар гьатна рекье ажалдин,
Агатна малаикдив лап мажалдив.
Кьат1на уьмуьр душманди инсандин,
Хуьруьз,к1вализ акьван масанди,
Хаиндин ният фенач асантдиз-
Гьатна вич ракьара ажеб хъсандиз.
Фур ат1айди вич аватда фуруз,
Экуь дуьньядай фида ам суруз,
Вик1егьди фида душмандин хуруз,
Руьгь экъеч1да адан вили цавуз.
Гьайиф я хьи рекьиз жегьил чанар,
Куьз дели хьанва бязи инсанар?
Жеч икьван пехъи вагьши гьайванар,
Ша ислягьдиз жен чун, гуз игьсанар.
Джалалдиназ
© Copyright: Нажмудин Шихнабиев 2, 2023
Свидетельство о публикации №123072802808
Свидетельство о публикации №123072802808
Рецензии