Заз лагь на ви дердерикай,
Са пай заз це, жеда кьезил.
А ви ч1улав вилерикай
Са нагъв татуй,хьана къизил.
Заз лагь, ширин, ви рик1ин сир,
Белки зав гва адан дарман.
Аман, вун хьуй зи руьгьдин п1ир,
Дердерикай ийин харман.
К1анивили зазни чирна,
Ашкъидикай баяд лугьуз.
Са хъверди зи рик1 ифирна,
Ц1ай такьуна, гьиссер куз-куз.
Дердерикай авуна яд,
Хъвадайвал пияла хьиз.
Гъуцаризни авуна дад,
Садда кьисмет хиялар хьиз.
Бахтар жеда чи рекьени,
Цуьк акъатна дигай гад хьиз,
Муьгьуьббат аваз рик1ени,
Гьалин уьмуьр,девран шаддиз.
20.07.2023.
Заз лагь...
© Copyright: Нажмудин Шихнабиев 2, 2023
Свидетельство о публикации №123072000590
Свидетельство о публикации №123072000590
Рецензии